Iha crise financeira global ne, Timor foti uluk medidas nebe agora dadaun rai riku sira foin hanoin atu halo

Enquanto Banco de Investimento sira monu no namtate ida-ida, mercado de valores sira hasoru problema bot, Timor nia osan nebe mai husi gás no minarai halot hela iha US Treasury Bond.

Ministra das Finanças Timor nian, Sr. Emilia Pires hateten ba BusinessDaily katak, hanesan mos rai kik sira seluk, Timor la los immune husi crise financeira bot nebe mundo agora dadaun enfrenta mas nia mos dehan katak governo nia investimento conservativo nebe maka halo hela to agora ajuda Timor aguenta crise ida ne.

Ministra ne mos hateten iha Nova Iorque kona ba FMI (Fundo Monetário Internacional) nia critica iha fulan hira liu ba sobre governo Timor nia intervenção iha economia hodi combate preço aihan no mina nian nebe aumenta makas.

Governo Timor ba hasai osan husi Fundo-Petroleo nian atu hasae orcamento estado, nebe 240 milhões de dolares Americano sei uja hanesan fundo ida atu estabilisa economia no controla sasan folin nebe aumenta makas. Ho halo ida ne, rai kik ida ne, consege foti uluk medidas nebe que governos sira iha Estados Unidos no Europa agora dadaun halo hadau malu hela atu salva sira nia economia.

Ministra das Finanças tenik tuir katak “iha rai kik hanesan Timor ne ami laiha alternative seluk tan ne tenki halo duni nuné”.

Antes crise financeira ne começa mos, Timor prevê tia uluk ona ho atu diversifica tia nia Fundo de Petroleo ne para labele depende los deit ba US Treasury Bonds maibe bele inklui mos investimento seluk.

Srª. Pires hateten tan katak governo sei hola medidas diak atu bele aumenta lucro financeiro.

Fleur Leyden

Texto ida ne traduz husi texto original iha inglês husi endereço ida ne:
http://www.news.com.au/heraldsun

Editor Timor Internacional